صفيحة (فطيرة) السبانخ على الطريقة الفلسطينية بالصور..

 

السلام عليكم ورحمة الله وبركاتوا..

وحشتوني.. أخباركم يابنات ..

صراحة اليوم ترددت كثير قبل أنزل هاللتدوينة.. لان صح أحب الطبخ بس مو مرة .. يعني احب اكل واتذوق اكثر. بس اللي شجعني انو الوصفة انطلبت مني كثير وعملتها كثير لـ قريباتي وصحباتي ذاقوها ويبغوا يعرفوا كيف الطريقة ..
وبالنت دورت صراحة مالقيت الطريقة موجودة يمكن 2 بنات اللي منزلينها ومش بالتفصيل |

فتششجعت كثيير وتحمس وجهزت العدة والعتاد وانطلقت إلى ماي كتشن *,)

بس احب اقول لكم الشغل فيها شوي متعب للي مش متعود بس النتيجة مرة روعة والطعم اكيد حلوو ويجنن بعد

طيب خلونا نشوف..

النتيجة

 

مقادير العجين ..

1 كيلو دقيق أبيض (انا استخدم بالعادة فوم او الكويت ) افضل شي

1/4 فنجان صغير زيت زيتون او عادي

رشة ملح

ماء للعجن طبعا بالنظر لان مااحسب الضبط ..

الطريقة :

وكذا ليين تنعم العجينة  يعني شي 10 دقايق تقريبا .. ونكورها ونحطها في صينية مدحونة زيت شوي

وبعدين نخليها ترتاح لحد ما نجهز الحشوة

مقادير الحشوة :

سبانخ << حسب المقدار تقريبا الكيلو ياخذ 3 الى 4 ضمم حجم متوسط

بصل = نصف مقدار السبانخ ( بالنظر ) واللي يحب يزيد..

ملح على ذوقكم

فلفل أسود 1 م ص تقريبا ..

عصير ليمون أو حمض الليمون ..

لان لازم يكون حامض وحراااااااااق .. على الطريقة الفلسطينية ..
فلفل احمر غزاوي (تلاقوا في السوبرماركت بندة و هايبر بندة ) شوفوا الصورة

الطريقة :

السبانخ.. طبعا لازم يكون طازج .. والكمية على حسب مقدارك ..

عن نفسي اجيب السبانخ طازة بالكرتون وانظفة واغسلة اول شي تمام وهو كامل الورقة بدون تقطيع..

بعدين أبدأ اقطع السبانخ زي الصورة .. ولان الكمية بتكون كثير .. اقسم كل ضمتين 2 سوا مفرومة طبعا ..

واكيسها واحفظها على طول في الفريزر.. وتفضل وقت طويل مايسر علية شي.

وواي وقت ابغى استخدمة للفطاير اطلعة قبل بوقت واعحطة بالمصفاية وخلية يفك الثلج عنة ويسيح . 

ترى بينزل موية كثير .. حاولي انك تعطرية بيدك شوي ..

بعد  مانجهز السبانخ نفرم بصل صغير ناعم تقريبا بس مو مطحون انتبهوا..

ونظيف الفلفل الأحمر والبهارات .

كذا بيكون شكل الحشوة .. بعد التتبيل..

تقدروا تزيدوا حموضة او فلفل أحمر حسب الذوق

…….

بعد ماجهزنا الحشوة والعجين ..

نجهز صحن فية زيت زيتون او عادي  حسب الموجود ونحط فية كم كورة من الكور العجين وعشان تنفرد رقيقة معاكي وماتلصق .. تقريبا زي مانعمل للمطبق..

ونجهز صينية كبيرة ومفرودة لان هنا السر في التشكيل كل ماكان مساحة الفرد كبيرة كل ما كانت الفطيرة هشة وفيها طبقات حلوة ..

انا استخدم هالنوع .. واذا عندك رخام المطبخ مساحتة حلوة تقدري تفرديها على الرخام بعد تنظيفة وتعقيمة تماااام ..

بعدين نرش وي زيت ونكثر شويااااات ..

وزي الصورة نبدأ ناخذ كورة من العجين اللي بالزيت ونفردها .. واذا حسينا انها ماتفرد بسهولها نرش شوي زيت .. ونفرد

لين ماتصير مرة رقيقة .. ونقسمها … ل 3 او 2 على حسب عجينتك وحجمها

ونبدأ نحط في كل قسم الحشوة بسكل طولي ونحاول نخلي فراخ مقدرا 3 سم

 ونبدأ نلف العجين على الحشوى للين الاخر.. زي الصورة ..

بعدها نلفها على بعض بشطل حلزوني دائري ..

هنا بعد ماشكلت الصنية كلها.

وهنا بعد ما خبزناها من نتحت وفوق ..

وهاذي في الصحن..

 

وووووبس بالهنا والعافية على قلوبكم ..

ان شاء الله تجبكم وتستمتعوا بتذوقها  …

واني استفسار.. اكيد ..  هنا وبتويتر..

.